Navigasjon
Navigasjon
Div. info

KORT HISTORIKK

Konradløpet er eit løp for å ære minnet etter Konrad Brunstad (Mons-Konrad 1910-2000). Konrad byrja trene då han var i 70-åra, etter at han og Arne C. Brunstad (Brua-Arne) hadde observert fenomenet ”jogging” i USA. Forma vart stadig betre. Han deltok ved fleire høve i Ålesund halvmaraton – også etter han hadde passert 85 år. Konrad likte best å trene tidleg om morgonen, då lufta var reinast. Difor starta løpet klokka 05.00. Ei av dei faste treningsløypene hans var ”runden” frå Brunstad til Hole og tilbake, akkurat der Konradløpet går. Andre faste treningsturar var på fjellet Koppen, eller ein kjapp tur på Vellesæta.

OM LØPET

Konradløpet vart fyrste gong arrangert i 2002. Det har start og mål på Brunstad, like ved Jokerbutikken. Løypa er 4,5 km lang etter asfalt, og stort sett ganske flatt (mest stigning i fyrste halvdel). Det er drikkestasjon i Holeøyane (etter halve løpet). Starten for hovudløpet går presis klokka 05.00. Deltakarrekorden i hovudløpet er 372 frå 2006. Samla deltakarrekord medrekna Minikonrad, Oslokonrad, Slovakiakonrad og Påskekonrad er 511 frå 2015.

DELTAKING

2002: 196 deltakarar

2003: 243

2004: 248

2005: 264

2006: 372

2007: 422 (medrekna Minikonrad)

2008: 398 ( medrekna Minikonrad)

2009: 464 (medrekna Minikonrad)

2010: 395 ( medrekna Minikonrad)

2011: 386 ( medrekna Minikonrad)

2012: 450 (medrekna Minikonrad)

2013: 361 (medrekna Minikonrad)

2014: 455 (medrekna Minikonrad)

2015: 511 (medrekna Mini-,Påske-,Oslo-, og Slovakiakonrad)

GRATIS FRUKOST

I samband med VIL sitt 100 års jubileum i 2006 vart det spandert gratis frukost på alle deltakarane i Konradløpet. Dette vart så populært at det sidan har vore fast tradisjon. Frukosten vert servert i Velledalen grendahus, der det også er garderober, premieutdeling .m.m.

 

KONRADFILMEN

Odd Kvammen – slektning av Konrad Brunstad – forstod at Konrad var noko utanom det vanlege. Han laga film om Konrad frå dei åra han dreiv som hardast, og der han sjølv fortel om sin fysiske kvardag, om helse og motivasjonen for å drive på. Ein knakande god film, og utan denne filmen hadde det kanskje aldri blitt noko Konradløp. Filmen vart vist i gravferda til Konrad. Ole Petter Berge var sendebod til idrettslaget og den som fyrst ymta frampå om at ”Konrad eigentleg skulle hatt sitt eige løp”.

Det fekk han, og Odd Kvammen har gitt ein film i gåve til VIL, slik at Konrad sine tankar kring mosjon, helse og livsfilosofi  elles,  kan bli friska opp att i samband med Konradløpet.

FLEST KVINNER

Konradløpet – der farta ikkje er viktig, heiter det. Og mesteparten av deltakarane stressar ikkje i løypa. Rett nok er det tidtaking i Konradløpet, men berre av dei drygt hundre fyrste som går over mål. Tidene til 2/3 av deltakarane vert aldri gjort offentlege. Litt spesielt er det òg, at løpet dei fleste åra har samla fleire kvinner enn menn. Ikkje stor skilnad, men om lag 55-45 i kvinnene sin favør i snitt. Eit klart prov på at dette er eit ”landevegsløp” utanom det vanlege. I 2012 hadde mannfolka mobilisert. Då enda "kjønnsduellen" 169-169 i Hovudløpet.  2013 var året der mannfolka for fyrste gong var i fleirtal, då hovudløpet enda 155-135 i mannfolka sin favør.

MINIKONRAD

Vart fyrste gong arrangert i 2007. Den gongen var løpet for aldersgruppa 0-13 år, og samla 64 deltakarar. Tilbakemeldingane var positive. Seinare vart løpet utvida til å gjelde aldersgruppa 0-16 år (ut Ungdomsskulen). Løpet vert alltid arrangert kvelden før hovudløpet - altså 30. april.

Fyrst dei yngste utan tidtaking.   

Like etter 11 år og eldre med tidtaking. I 2015 deltok 162 unge i Minikonrad, så mange at arrangøren bestemte at det i ettertid skulle delast i tre startar.

Minikonradløypa var i byrjinga 1050 meter på Brunstad. Seinare var løpet flytta til Dalemyra med kortare løyper. 350 meter for dei yngste og 750 meter for dei eldste. Underlaget vekslar mellom grus, gras og asfalt

NB!: Påmelding løpsdagen - i god tid før start.

Her vert samtlege premiert, startkontingent kr 60,-

Tidlegare har skiskyttar og motbakkeløpar Hans Martin Gjedrem (med fleire NM-gull som senior) kasta glans over premieutdelinga og like eins skihopparen Tommy Lianes (217 meter). I 2013 hadde vi vitjing av Ivar Ulvedal med fleire gull frå Special Olympics World Winter Games, medan det i 2014 var Martine Lorgen Øvrebust, NM-vinnar i langrenn junior, som delte ut premiar. I 2015 var det sykkylvsbygda sin eigen kastar, Herman Velle Aurdal, som fekk æra.

Start og mål same stad som for hovudløpet; Brunstad i Velledalen (ved Jokerbutikken).

Deltakarrekorden i Minikonrad er 162 frå 2015

GRATIS DELTAKING

Det har i alle år vore gratis deltaking for personar med Konrad som føre- eller mellomnamn, og for alle personar over 90 år. Deltaking av personar over 90 år fekk vi tidleg (Tomas Tandstad), men vi måtte utruleg nok vente heilt til 2007 før vi fekk ein person med Konrad som døypenamn på startstreken. Men då kom det til alt overmål tre på ein gong. Eldste Konraden vi har hatt er Konrad Gausemel frå Hornindal som fullførte i fin stil som 84-åring, henta blodfersk rett frå senga midt på natt i Honndalen av mellom andre Inge Asbjørn Haugen.

PREMIERING

Minikonrad: Alle premiert – lik premiering. (sjå tidlegare i teksten)

Hovudløpet: Diplom ved fyrste gong deltaking, Konradmedaljen i sølv 3.gong og Konradmedaljen i gull 6.gong. Vidare 10 års premie og 15 års premie. Det vert trekt premiar på startnummer, der om lag 20 prosent av deltakarane vert premiert – i all hovudsak med gåvepremiar.   Dei tre beste damene og tre beste herrane vert premiert. Ny løyperekord gir 1000 kroner i premiepengar både i dame- og herreklassa.

  HARDE FAKTA:

* Deltakarrekord: 511 (Mini-Oslo-Slovakia og Påskekonrad inkludert) (2015)

* Løyperekord damer: Kristine Hjellbakk Hole 16.59 (2017)                                                       * Løyperekord herrar: Abdulaziz Ibrahim 13.30 (2016)

*Eldste deltakarar: Tomas Tandstad deltok i sitt 92.leveår (2004) og Kjellaug Ulset i sitt 91. (2018)

* Deltaking frå 20 ulike nasjonar.

* Beste Konrad: Konrad Lillebø 19.55 (2007)

* Beste søskenpar (gut/jente): Sondre og Elisabeth Overvoll Hole, Stranda, 35.24 (2012)

* Beste ektepar/sambuarpar: Kathinka Havnegjerde og Jo Andre Tandstad, Langevåg, 37.27 (2011)

* Nasjonale rekordar:

13.30: Abdulaziz Ibrahim, Eritrea (2016) - løyperekord

14.48: Knut Anders Hatlen, Noreg (2012)

16.34: Michael Uhlar, Tsjekkia (2010)

17.02: Jonas Siurskas, Litauen (2016)

17.34: Pernille Ibsen Lervåg, Danmark (2018)

17.55: Niek Schreijer, Nederland (2014)

18.12: Daryl Matthews, Australia (2009)

18.43: Stijn De Smedt, Belgia (2018)

19.03: Mateusz Wojcieh Oskiewicz, Polen (2016)

20.08: Sharon Svedgård, Jamaica (2017)

20.24: Olga Sørensen, Russland (2015)

20.29: Fadel Traore, Elfenbeinskysten (2007)

20.38: Jan Rakottyai, Slovakia (2017)

20.50: Omid Ahadi, nasjon ukjend (2018)

21.17: Georgi Todorov, Bulgaria (2004)

21.51: Irrfe Renz Bagol, Filippinane (2009)

22.07: Martin Lotz, Tyskland (2010)

22.16: Victor Scattergood, England (2009)

24.09: Chris Aggerholm, USA (2007)

24.09: Mehyar Zarzar, Syria (2016)

24.44: Ilyas Degirmenci, Tyrkia (2006)

24.48: Joakim Mårtensson, Sverige (2008)

PÅMELDING

Atle Hole tlf 70 25 07 49 – 917 43 761 e-post: atlehole@online.no

eller Velledalen IL facebook/nettside

Minikonrad: påmelding ved start løpsdagen. Hovudløpet helst innan 30.april

STARTKONTINGENT 2016

Minikonrad: kr 50,- pr.pers

Hovudløpet: Born kr 100,- Vaksne kr 200,- Familie 450 (frukost inkludert for alle)

Dette gjeld påmelding innan 30. april klokka 1600

Seinare påmelding er mogleg mot tillegg i prisen.

På grunn av trivselen ved frukosten er det sett tak på 350 deltakarar ved hovudløpet.

  

Siste nyhende
Snart jul – Velledalen IL kan hjelpe med julegåvene
ArkivfotoVelledalen IL sine klubbklede er populære. Medlemar får produkta til under innkjøpspris. Sjå kva produkt du kan kjøpe til jul.
Les meir (25.11.2020)
Trimpostane: Grethe Fet nummer åtte etter 570 turar
Folk i 70-åra har verkeleg markert seg på trim-fronten siste året. Grethe Fet (74) vart nummer åtte med 570 turar og 1880 poeng.
Les meir (25.11.2020)
Trimpostane samanlagt: Odd Kåre nummer ni i 2020
Vi held oss mellom den eldre, spreke garde. Odd Kåre Fet (78) vart nummer ni på samanlagt-lista denne sesongen.
Les meir (24.11.2020)
Gratulerer til seriemeister Sondre Brunstad Fet
Sondre Brunstad Fet har aldri representert Velledalen IL, men det lyser velledaling lang lei av etternamnet hans.
Les meir (24.11.2020)
Lysa tende i lysløypa i Ladalen
ArkivfotoLeiar i VIL-langrenn, Svein Arne Nakken, melder at det no er ljos i lysløypa i Ladalen kvar kveld, så sant der er snø.
Les meir (23.11.2020)
Topp-10 trimpostar: Formel-1-utøvarane innan mosjon
Vi startar med plass nummer ti på lista. Den kneip ein 79-åring med spenstige 1764 poeng.
Les meir (23.11.2020)
Oslo-avdelinga med testløp
Bilete frå utfartsparkering ved Semsvann.  Oslo-avdelinga i Velledalen IL har meldt inn resultat frå ikkje mindre enn to testløp. Krevjande løp med mykje motbakkar.
Les meir (22.11.2020)
Minnest du hesteskokastinga i Velledalen….?
Eigentleg er det dobbelt-jubileum i 2020. 40 år sidan det fyrste uoffisielle NM i hesteskokasting vart arrangert på Dalemyra, og 30 år sidan det siste offisielle-NM.
Les meir (21.11.2020)
Nærmar seg premiering av trimpost-vinnarar
Beste VIL-medlem på kvar post vert premiert. I tillegg får samanlagt-vinnaren premie.
Les meir (20.11.2020)
Idrettsgalla 16.januar 2021
ArkivfotoIdrettsgalla der gode prestasjonar frå året 2020 vert prisa, vert arrangert på Orreneset 16. januar 2021 klokka 16.00
Les meir (20.11.2020)
Frode Hoprekstad med «fylgje» rundt Ramstaddalen
Ramstaddalsløpet vart avlyst i 2020, men i dag sprang Frode Hoprekstad med fylgje heile løypa motsett veg av det stafetten til Velledalen IL plar gjere.
Les meir (15.11.2020)
Vinterkarusellen: Kjempedeltaking – sterke VIL-resultat
bilete frå smp.noHeile 142 deltakarar melde seg på til opningsløpet i vinterkarusellen. «Sykkylvsløparane» tok fire klassesigrar.
Les meir (15.11.2020)
Tandstad er beste trim-krins i Velledalen IL
Basert på kvar dei ulike trimpost-vinnarane bur, kan vi slå fast at Tandstad er krinsen som har gjort det best.
Les meir (14.11.2020)
Vinterkarusellen i Ålesund startar i dag
ArkivfotoVelledalen IL har som vanleg med ein stor tropp.
Les meir (14.11.2020)
Bruna trimpost med fantastiske 4448 noteringar
Nær rekord også for Bruna trimpost med 4448 signaturar. Rekorden frå 2015 lyder på 4482. Fattige 34 turar mangla.
Les meir (12.11.2020)
Klar «sølvplass» til Brunstadsætra – Inger Anne flittigast
Solid år for Brunstadsætra trimpost, men både 2016 og 2017 var sterkare.
Les meir (11.11.2020)
Ramstaddalsløpet vert ikkje arrangert i 2020
Det har kome melding til VIL-Nett om at Ramstaddalsløpet likevel ikkje vert arrangert i 2020.
Les meir (08.11.2020)
Hurra for Oleanne – yngste trimpostvinnar nokon sinne
Oleanne Hole gjekk siste året 200 turar til trimposten i Holemarka, og vart såleis Velledalen IL sin yngste trimpost-vinnar gjennom tidene.
Les meir (08.11.2020)
Alf Petter 134 av Vellesætra sine 1641 noteringar
Vi kan slå fast: Godt år for Vellesætra trimpost! 1641 noteringar er høgaste talet som er registert siste ni åra.
Les meir (07.11.2020)
Høgt nivå på karane i Riksheimdalen
Trimposten i Riksheimdalen greidde 1604 noteringar siste året. Topp-duoen Ivar Flo og Bård Erstad heldt skyhøgt nivå med godt over 300 turar kvar.
Les meir (04.11.2020)
Knallsesong i skogsvegen Drabløs
Annlaug Lervåg vann posten som gjekk frå 668 noteringar i 2019 til 1474 i 2020. Meir enn ei dobling!
Les meir (02.11.2020)
Frå 485 til 1378 noteringar i skogsvegen Hjorthol
Ikkje sidan polske Robert R. vann denne posten har det vore ein meir sensasjonell vinnar enn i 2020.
Les meir (01.11.2020)
Takk for 3247 grasrot-kroner i oktober
Og årsrekorden på 27 834 kroner er alt passert – to månadar før året er omme.
Les meir (01.11.2020)
Skogsvegen Fet: Beste sesong sidan 2012
Vi er no komne til postane med over 1000 noteringar, og i skogsvegen Fet måtte Odd-Kåre tole nok eit tap med knapp margin til kona Grethe.
Les meir (30.10.2020)
Koppen: Kraftig framgang og Ingrid Brudevoll best
Koppen trimpost auka frå 461 noteringar i 2019 til 816 i år, og klatra frå 10.plass til 9.plass på lista over VIL-trimpostane.
Les meir (28.10.2020)
Elling Ivar (79) soleklar vinnar av Myrdalsfjellet trimpost
Myrdalsfjellet trimpost var åleine om å ha svakare resultat i 2020 enn i 2019.
Les meir (26.10.2020)
Geir Helge trimpostvinnar i Regndalen
Geir Helge Grebstad stod for 61 av 473 noteringar ved trimposten i Regndalen siste året
Les meir (25.10.2020)
Njål sterk i Nordmarka skogsmaraton
ArkivfotoNjål Torillson Tyssing vart i dag nummer fire i klasse 35-39 år på halvmaraton med tida 1.22.36 i Nordmarka.
Les meir (24.10.2020)
Fyrst Holetindane, så tok han Brunstadkølen
Året 2020 var året der Jan Kåre Oterhals var på velledalstokt. Som vinnar av trimpostane både på Holetindane og på Brunstadkølen.
Les meir (24.10.2020)
Sensasjonsmann på Holetindane
Vinnaren av Holetindane trimpost siste året heiter Jan Kåre Oterhals. Han samla heile 900 poeng på denne posten med sine 30 turar.
Les meir (22.10.2020)

 Arkiv
Kalender
Komande aktivitetar:
Nettsidene er oppdatert og publisert hos Besøk www.pronett.no