Vi startar i Farsund. Der tok Gyls-tvillingane dobbeltsiger på halvmaraton klasse M 16-22 år. Andreas kom inn på 1.22-talet, Sivert på 1.28-talet. Nye personlege bestenoteringar på begge, i ganske så tunge forhold.
I Molde vann Fredrik Bruseth, Romsdal Randoneklubb, på tida 1.56.35. Kjell Magnar Berli vart nummer seks totalt – og beste sunnmøring – på tida 2.02.22. I klasse M 30-39 vart Kjell Magnar nummer fire.
Linn Kvammen Flydal, Sunnylven vart nummer 10 i klasse K 30-39 på tida 2.43.13. Fin 12 plass i same klasse til Margrethe Fjetland som representerer Velledalen IL/ Salomon Norge. Og 23 plass til Liv Hilde Vågsæter frå Stranda. Emelie Forsberg, Måndalen IL, vann klasse K 30-39, medan Yngvild Kaspersen frå Tromsø Løpeklubb vart beste kvinne uansett klasse. Ho brukte 2.05.56, kring tre og eit halvt minutt bak vår sterke Kjell Magnar Berli.
På Vartdal tok Velledalen IL dobbeltsiger under KM-løpet i klasse M 50-54. Gull til Per Inge Bjørnestad på tida 1.27.46 og sølv til Frode Mauren på 1.28.54.. Vidare tok desse medalje for Velledalen IL:
K 35-39: Pauline Sande – sølvmedalje på 1.49.21
M 55-59: Alf Petter Bøe – bronse på 1.38.13 – nyleg tilbake etter skade
Vegard Riksheim Tandstad nytta halvmaraton til trening før heilmaraton-debuten i Ålesund i juni. Han la bak seg over 30 km der halvmaratonløypa var ein del av treninga. Arrangøren klokka han inn til tida 1.33.15, som lovar det beste for det han skal gjennom i Ålesund.
Altså fire medaljar til Velledalen IL under KM. Tom Audun Rossland Knutsen var likevel den som imponerte mest med 1.27.40 i klasse M 45-49. Tom Audun er ganske så fersk som løpar, men nivået er høgt i M 45-49, så han måtte nøye seg med fjerde plass denne gongen.
Løpet på Vartdal samla god deltaking, men gjekk under ganske så stri vind i ei krevjande løype.
Velledalen IL si nettside kjem tilbake med meir stoff frå alle desse tre løpa i løpet av sundagen
PS. Resten av laurdagen vert brukt til å feire ein god konkurrent og viktig bidragsytar i VIL-miljøet, Terje Sigbjørn Aurdal. Han fyller 70 år i dag, 27. mai.
Publisert: L?rdag 27. Mai 2023 Kl. 15:30
)_(Instagram-innlegg_(Firkantet)).png)
Velledalen symjehall
