Då skal det nemleg delast ut KM-medaljar på halv- og heilmaraton, under løpet med det velklingande namnet SpareBank 1 Vartdalsstranda Maraton. Her vert det sprunge i alt tre distansar. Heilmaraton (42 195 meter) som lengste distanse, halvmaraton (21 095 meter) som mellomste distanse og i tillegg eit trimløp som kortaste alternativ. I skrivande stund er samla påmelding 112 – den vil nok stige fram til helga.
Det er valfritt om ein vil vere med i KM (krinsmeisterskap) eller ikkje. Skal ein delta i KM må ein representere ein klubb som har betalt kontingent til Norges Friidrettsforbud (som Velledalen IL har gjort), og klubben må vere heimehøyrande i Møre og Romsdal. Alle løparar utanom fylket kan delta på Vartdal, men altså ikkje i KM, der det vert delt ut eigne medaljar til dei tre beste i kvar klasse.
Så langt er berre Alf Petter Bøe påmeld frå Velledalen IL. Elles frå Sykkylven skal Bjørn-Even Masdal springe for SIB (truleg Sykkylven Innebandy). Begge deltek på halvmaraton. Bøe i KM, Masdal utanfor.
Vi reknar med at Velledalen IL vert representert med fleire enn herr Bøe i sesongens viktigaste løp!
Publisert: Tirsdag 23. Mai 2023 Kl. 22:06
)_(Instagram-innlegg_(Firkantet)).png)
Velledalen symjehall.jpg)
