Under eit av dei fyrste løpa i 2022, vinterløpet i Ålesund den 12.februar, vart namnet Erika Oginté observert i startlistene. Bak namnet, i klubbfeltet, stod det Sykkylven.

-            Interessant. Kven var dette, tenkte løpsmiljøet i Velledalen IL, som ikkje kjende namnet.

Arrangementet starta, og løparane gjorde jobben sin. Somme på 5 km, andre på 10. Vel i mål registrerte vi at kvinna i sin beste alder med namnet Erika stod øvst på den kortaste distansen med tida 22.05

-            Interessant. Kven er dette, tenkte vi for andre gong.

Tida gjekk, og 1.mai stod namnet atter ein gong på startlistene. Denne gongen som deltakar i Konradløpet. Og her gjekk det unna. Ho kom i mål som nest raskaste kvinne på tida 19.05. Altså betre kilometertid enn i Ålesund i februar. Takka vere kyndig rekrutteringsarbeid av Svein Arne Nakken, var Erika å finne i medlemslistene til Velledalen IL alt eit par dagar etter løpet.

Framgangen til Erika Oginté stogga ikkje her. Slik såg resten av sesongen ut:

Klassevinnar på 5 km under Ålesund Maraton i mai på tida 20.12. Raskaste kvinne under Tomasløpet i Straumgjerde, og ho hadde ein fin halvmaraton-debut på Hareid under KM der. Vidare vart ho nest beste kvinne under Lerstadvatnet Rundt i Ålesund i september, og beste kvinne under Rosa Sløyfe-løpet i Sykkylven i oktober.

    Til slutt imponerte ho stort under NyttÃ¥rsmaraton i Ã…lesund i romjula, der ho pÃ¥ vinterføre noterte sluttida 1.40.22. Kring Ã¥tte minutt betre enn i debuten pÃ¥ Hareid, og den sjette raskaste halvmaratontida ein kvinneleg VIL-løpar nokon gong har gjort.

Vi gratulerer Erika Oginté som «Årets Nykomar 2022» i Velledalen IL!

PS. Erika har opphavet sitt frå Litauen