Tildelt: Anita Holmberg – maratondebutant i New York 6.november 2022
Juryen: Har henta grunngjevinga for prisen i ein tekst på VIL-Nett, og lyder slik:
Det er no kring tre år sidan Anita Holmberg miste sambuaren sin. Teken frå henne av kreftsjukdom. Anita fortel:
-
Sjølv om det var vanskeleg, hadde vi gode samtalar siste tida. Mellom anna om at eg ikkje måtte vere redd for å setje meg nye mål når eg vart åleine. Eg fortalde han då, at ein gong i framtida kunne eg ha lyst å teste meg sjølv i eit maratonløp. Eg visste dette ville vere eit tøft mål for ei som drog seg mot 60, og ikkje hadde levd eit spesielt idrettsaktivt liv. Men eg trudde ein base lange fjellturar kunne hjelpe meg mot målet.
I 2021 passerte Anita 60 år. Enno var ikkje maratonløpet i boks. Men det hadde vore to år med korona, og ikkje like enkelt å organisere. Men det skulle ordne seg. Datoen vart 6.november, året 2022 og staden New York. Med 50 000 deltakarar og eit par millionar tilskodarar. Mest ein skremande tanke for ein person med bakgrunn frå enkle Velledalen. Vêret var varmt, som på dei beste sommardagane her heime, og klamt.
Anita fortel:
-
Heldigvis hadde eg dyktige folk rundt meg – mellom andre Jack Waitz – han visste kva dette dreia seg om. T-skjorta eg sprang med, bar namnet mitt på framsida. Og slik vart eg boren fram av heiarop eg knapt trudde var mogleg – tildelt ein heilt umerittert løpar langt bak i feltet. Her var tydelegvis alle like viktige. Einaste problemet mitt under løpet kom etter kring 12 km. Då svimla det for meg, såpass at eg måtte knipe meg fast i bordet på drikkestasjonen for ikkje gå over ende. Eg tok meg god tid på alle stasjonane og fekk i meg rikeleg næring. Unnateke hendinga ved 12 km gjekk alt problemfritt. Å bryte var aldri tema i hovudet mitt. Det var ei vidunderleg kjensle å nærme seg den magiske mållina – og krysse den på 5.56.11
Slik gjennomførte Anita Holmberg eitt av dei måla sine. Til ære for sambuaren og seg sjølv.
Måtte andre bli inspirerte av gjennomførings-krafta!
Gratulerer til Anita Holmberg med «Nye Mål-Prisen» for 2022!
Publisert: MÃ¥ndag 30. Januar 2023 Kl. 21:24
Velledalen symjehall
