Det har vore litt endringar i det tradisjonelle arrangementet etter at bedriftsidretten tok over arrangementet frå "Ålesundsløpene", men årets januarløp er slik som før, med 5 km. og 10 km. som distansealternativ, og Dekkmann i Fremmerholen som utgongspunkt. Sidan løypa er lik den vi er kjend med tidlegare, kan løparane måle dei gamle tidene sine opp mot det dei klarer å prestere 14. januar.

Som ein stor bonus har leiar i Velledalen IL si friidrettsgruppe, Alf Petter "Affe" Bøe, sagt at klubben betalar startkontingenten. Krava til å få den sponsa er følgjande:

1. Betalt medlemskontingent i 2022 eller 2023.

2. Gjennomfører løpet i MINIMUM Velledalen IL-overdel.

All påmelding til løpet gjerast ved å melde frå til nemnde Alf Petter, eller til kasserar i laget, Henning Tandstad, som tek seg av påmeldinga.

Det er ønskjeleg at dei som vil vere med melder seg i løpet av denne veka, slik vi får pryde startlistene tidleg. Men du vil sjølvsagt bli påmeld heilt fram til løpsdagen.