Samstundes var dette Andreas sitt siste løp som tenåring. I 2023-sesongen spring han i klasse 20-22 år. Gyls-tvillingen leverte eit imponerande jamt, og kontrollert løp, frå start til slutt. Og i dag var det verkeleg vintermaraton (temp kring null og snødekte, grusa vegar), som betyr at guten har meir inne. Beste maratonløpar uansett klasse vart Bård Indredavik frå Åndalsnes IF. Han sprang på 2.55.40 i klasse M 40-44.

Men mest av alt; hatten av for Andreas Mosby Nakken. Han debuterte som maratonløpar i Ålesund i mai 2022 med tida 3.15.55 på sommarføre.

I dag gjorde han 3.03.24 i ei anna – men like lang løype i same by – på vinterføre. Han vann klasse M 18-19, og vart nummer seks av alle som sprang heilmaraton.

Neste gong han stiller på distansen trur vi han kryp under den magiske tre timars grensa.