For å seie det ganske kort: Nils er ein av dei som har lagt ned flest timar for Velledalen IL gjennom laget si 116 årige soge. Og han er framleis aktiv. I mindre grad som konkurranse-utøvar no, men der har han gjort nok. Tidene hans er sterke i motbakkeløp som Saudehornet Rett Opp, Skåla Opp, Fanaråken Opp og Varden Opp (med fleire)Han var sterk på flate løp, men har halde seg unna halv-og heilmaraton, han var ein dugande stafett-løpar, og kanskje det største; Nils er den på herresida som har flest sigrar i Konradløpet. Talet er 4. Bestetida hans skriv seg frå 2004. Då vann han på den flotte tida 15.29, i sitt 47.leveår. Og dette var før «flyge-skoa» kom, må vite. Elles er Nils mangeårige medlem av hovudstyret i laget. Han har eit utal år som leiar av trimgruppa bak seg. Og ikkje minst; han er laget sin statistikk-førar. Det er Nils som held greie på kor mange positive idrettsmerke-prøver den einskilde har, og det er han som tel trimturar og trimpoeng. Ein jobb som krev god trott, for å nytte eit av Konrad Brunstad sine favorittord, og ein «jobb» han har hatt sidan trimpostane kom på Velledalen IL sitt program.

    Ein tvers gjennom botnsolid kar som alle set pris pÃ¥. MÃ¥tte han halde ut i mange Ã¥r enno!

Velledalen IL gratulerer sin stillferdige heidersmann, Nils Terje Skylstad, med 65 års dagen tysdag 20.september 2022