Arkivfoto
Tidlegare i haust sprang Kjell Magnar Berli frå alle under KM i halvmaraton på Hareid. Etter eit sololøp frå start til mål kom han inn på 1.21.51.
I København i dag slapp han springe solo. Der var det motsett; snarare for mange i løypa. Kor mange som starta vitast ikkje, men 25 000 var påmelde i løpet.
Av desse vart Kjell Magnar nummer 427, etter å ha kryssa mållina på fine 1.16.27 – 15 sekund seinare enn VIL-Nett hadde tippa han skulle bruke før løpet. Tida hans gir ei snittfart på 3 minutt og 37 sekund per kilometer. Berre Njål Torillson Tyssing og Constantin Rust har sprunge raskare av VIL-utøvarane. I klasse 30-34 år vart Kjell Magnar nummer 104.
No håper Velledalen IL at Kjell Magnar stiller i Gloppen under NM i halvmaraton om 14 dagar. I eit langt mindre felt, og i ei løype som NESTEN er like flat som i København. Påmeldingsfristen går ut 20.september, og arrangøren har i helga gått ut med kva klubb som har flest påmelde der
– Velledalen IL er namnet.
Publisert: S?ndag 18. September 2022 Kl. 19:12
)_(Instagram-innlegg_(Firkantet)).png)
Velledalen symjehall
