Navigasjon
Navigasjon
SVEIN ARNE NAKKEN – Skulemann, sauebonde og gratis-arbeidar

Over vørterøla

   

ALDER: 54

BUSTAD: Straumgjerde

YRKE: Inspektør ved Ullavik skule

KLUBB: Velledalen IL

 

Under siste punktet kjem Velledalen IL  inn. Vi skal ikkje utbrodere, men nemner at mannen hadde vore mange-millionær om han eksempelvis hadde fått 200 kr timen for arbeidet han har lagt ned for Velledalen og Straumgjerde (les Velledalen IL og VRF).

  Elles er Svein mest kjend for eit langt over snittet ekte og brennande engasjement i dei sakene han engasjerer seg i.

  I det ligg det mellom anna at han likar tyne kroppen sin. Han har passert 10 Vasalopp (90 km) i Sverige, han har passert 25 Birkebeinerrenn (20 merke) og han har teke alle trimpostane på same dag. Han kjempar den gode strid mot sønene Andreas og Sivert på ei rekkje frontar. Sakte men sikkert tek dei den eine etter den andre av Svein sine rekordar. Og Svein likar det. Men på nokre frontar held han stand. I lange løp i motbakke er Svein både seig og uthaldande, så vi trur ikkje det sportslege generasjonsskiftet i Gyls-garden er fullbyrda i løpet av det komande året.

 

Avslutningsvis nemner vi at Gyls-Svein er ein glitrande imitator. Faktisk langt betre enn mange av dei som plar entre lokale scener med jamne mellomrom. Om det hadde vorte knipe på alle andre frontar, trur vi Gyls-bonden kunne livnært seg av stand-up i ei overgangsfase.

  PS. Svein har slutta med o-løp, etter at han og friidrettsleiar Bøe sprang seg ville på Emblem for eit par år sidan.

 


Er vørterøl favorittdrikken din?

Nei, vørterøl er på ingen måte noka favorittdrikke. I samband med lange og harde treningsykter og/eller konkurransar som td. Vasaloppet og Birken, går likevel det meste som er flytande ned på høgkant når det har byrja å «balle på seg» med antal tilbakelagde kilometer. Favorittdrikka må nok vere søtmjølk, men ulike variantar av brus står også høgt i kurs.

 

Kva er favorittretten din?

Godteri et eg vanlegvis lite av, men sjokolade er noko som det ikkje blir spart på dersom det kjem mellom hendene på meg. Sameleis med iskrem. Grovskiver med banan og sylte er alltid «bankers».

Når det gjeld middagsmat, så reknar eg meg som altetande innanfor rimelegheitens grenser. Men eg et sjølvsagt ikkje flaggermus og slikt som kinesarane lager Koronavirus av. Heimelaga fiskekaker og biff med fløytegratinerte poteter er blant favorittane. Saudekjøt i ulike utgåver er eg vel programfesta til å ta med. Eg vil også nemne lasagne som ein favoritt. Eg hugsar fyrste gongen eg smakte denne retten. Endré Tandstad og eg var på Cupfinale-omkampen mellom Rosenborg og Brann i 1988 og overnatta med syster til Endré, Linda og familien i Lørenskog. Laurdag kveld fekk vi servert lasagne, noko eg aldri hadde smakt før. Det syntest eg var så godt at eg tenkte at: «Noko betre enn dette går det ikkje an å få...»

(Dessverre vann trøndergribbane denne kampen med 2-0 etter to raske scoringar av Gøran Sørloth og Karl Petter Løken i fyrste omgong).

 

Fortel om idrettskarriera di.

Å bruke ordet karriere høyrest så profesjonelt og seriøst at det ordet passar ikkje for meg. Spør du meg i staden om korleis eg har drive med fysisk aktivitet, føler eg meg meir dus med spørsmålet.

Det starta for så lenge sidan at eg knapt kan hugse det. Eg slengde meg med på nokre gateløp og terrengløp her og der i sommarhalvåret, og deltok i lokale skirenn om vinteren som gutunge. Innanfor fotballen var det så som så. Eg stod litt i mål på V:R.F. sine aldersbestemte lag opp til gutenivå, men var alt for ujamn i prestasjonane. Eg fann rask ut at skulle eg drive noka form for konkurranseidrett, måtte det bli innanfor uthaldsidrettane, springing og langrenn.

 

I fotballen fann eg likevel mi «grein». Oppmann, lagleiar, sportsleg leiar, bussjåfør, skadebehandlar og litt «alt-mulig-mann» i V.R.F. frå eg var vel 20 år gamal og fram til tulne folk fann ut at dei skulle legge ned laget, er noko eg ser tilbake på som ei fantastisk tid. Finalen i Norwaycup i 1990 for gutelaget mot Tromsø IL er sjølvsagt blant høgdepunkta. Opprykka til V.R.F. sitt herrelag i 1989 og 1994 står også høgt på lista over ting eg har fått vore med på som tillitsvald og funksjonær. Dei to opprykksløpa mine frå Stranda til Aure i 1989 og frå Hundeidvik stadion via Slettegjerde og Dalemyra og ut til Sykkylven stadion og så innatt til Aure i 1994 er minne for livet. Mange ulike personar kom og vart med meg på ulike delar av distansen.

OL på Lillehammer i 1994 som frivillig funksjonær og sjåfør var også stort. Som sjåfør var eg akkreditert til fritt kome inn der eg sjølv ynskte. Eg fekk køyre store idrettspersonlegdomar, eg gjekk inn og ut av deltakarlandsbyen der alle dei store idrettspersonlegdomane budde osv. Kjem det OL til Noreg ein gong til, kjem eg garantert til å melde meg som frivillig funksjonær ein gong til.

Det er likevel på ski eg har hatt dei største opplevingane som aktiv utøvar. Å greie det fyrste merket i Birken i 1994 var stort. Likeeins å ta det 10., 15. og det 20. merket. Å fullføre det fyrste Vasaloppet i 2008, var også heilt fantastisk. På førehand var eg i tvil om eg i det heile tatt ville greie å gå så langt på ski, men det var ikkje verre enn at eg per no står med 11 startar og 11 fullførte løp gjennom dei svenske skogane. Må også nemne ulike motbakkeløp som Varden opp i Langevåg, Geiranger frå Fjord til Fjell, Skåla Opp i Loen og Mefjellet opp å Fjørå. Dess brattare, hardare og lengre dess betre. Då hamlar eg opp med løparar som eg knapt rekk å sjå ryggen før dei fer avgarde på når det er snakk om flate løp. BMW Oslo Halvmaraton er også blitt ein liten tradisjon...

 

Korleis og kvifor medlem i Velledalen IL?

Eg har vore medlem i Velledalen IL mest heile livet. Det fall seg berre naturleg sidan eg budde i nedslagsfeltet. Eg hugsar den dagen eg melde meg inn. Det var gateløp på Aure. Dersom eg melde meg inn vart det rimlegare å delta, og då betalte vi medlemskontingenten ute på Aure. Åge Johnsen var med som lagleiar denne dagen, og han tok oss med på ei slitsam oppvarming. Oppvarminga var så pass langvarig og hard at eg var godt «fesen» då sjølve løpet starta. Eg låg godt an, som nr. 2, då vi runda oppe ved Blinken, men enda lengt bak i leksa då vi kom i mål der Nøstekroken har butikklokala sine i dag.

Velledalen IL har hatt eit godt og inkluderande miljø, og tanken på å skifte klubb har ikkje vore aktuelt. Eg må dessverre legge til at eg eitt år måtte delta i langrenn for Sykkylven IL. Det var det året Velledalen IL fann ut at dei skulle melde seg ut av Møre og Romsdal Skikrets for å spare pengar...(?). Skulle eg delta i KM, som var i Volda det året, hadde eg ikkje anna val enn å melde meg inn i ein klubb som var medlem i   Møre og Romsdal Skikrets. Det vart heldigvis berre med det eine året i Sykkylven IL. Der følte eg meg ikkje heime, og var rask med å kome meg «heimatt» då Atle (Hole) lova at Velledalen IL ville melde laget inn att i Møre og Romsdal Skikrets til den komande skisesongen.

 

Når var du sist på ein VIL-trimpost?

Eg er med ujamne mellomrom innom mange av trimpostane til Velledalen IL. Sist det skjedde var på morgonkvisten 17. mai no i år. Då var Anita og eg ein tur opp på Bruna og skreiv oss inn i boka. Det var ein fin, men merkeleg tur. Tenk å kome opp på Bruna på 17. mai, vel ein månad før sommar-sol-snu og måle 47 cm tung og våt nysnø på vegen ved «Grindaløå». Eg tenkte med ein gong at her vert det dessverre lenge til før vi kan sleppe sauene på sommarbeite...

Den 25. juli i 2017 tok eg forresten alle VIL sin trimpostar på ein dag. Det vart ein lang og hard dag som inneheldt det aller meste frå varmt fint sommarver til torever og enorme nedmørsmengder i form av regn mot slutten. Totaltida enda på 13.20.10 (13 timar, 20 minutt og 10 sekund).

 

Mål for det neste året?

Eg set meg ikkje så store mål, men å henge med i dei ulike løpa i Ålesundsløpene (sommar- og vinterkarusellen, Eikenosa Opp, Østemssætra Opp, Blodslitet) må eg prøve å få med meg dersom dei vert arrangerte dette året. Dersom Skåla Opp i Loen vert arrangert, vil eg prøve å stille der. Det same med Varden Opp i Langevåg, Mefjellet Opp i Fjørå og Jordbærdilten i Valldal. Etter nesten to månader med sauepass, lammingstid og litt tømmerhogst har det blitt lite tid til trening. Vidare gjer ein nerveskade under venstre fotblad sitt til at treningsgrunnlaget for tida er så som så. Men, eg prøver å lure meg til nokre treningsturar i all stillheit når sjansen byr seg. Resten får eg ta att på heimlengsel og rutine...

Til vinteren står sjølvsagt Furusjøen Rundt, Vasaloppet og Birkebenerrennet på mi eiga terminliste. Stiller eg i Vasaloppet blir det mitt 12 lopp etter å ha stått over dei to siste åra. Birkebeineren blir i såfall mitt 26 løp. «Time vill show,» som Rudolf Blodstrupmoen i Flåklypa Grand Prix ville ha sagt det.

Favorittmusikk?

Innanfor musikken er det enormt mykje bra. Eg set korpsmusikk høgt. Det same gjeld kor og song. Når Velledalskoret held konsert, reknar eg meg som fast tilhøyrar. Norsk-På-Norsk står høgt i kurs med artistar som Jahn Teigen, Øystein Sunde, Ivar Medås, Alf Prøysen, Salhuskvintetten, Tre Busseruls, Vestlandsfanden, Bjørn Eidsvåg, Ole Paus og Vamp. Desse høyrer eg ofte på. Tekstane deira er her det sentrale.

 

Av internasjonale artistar må eg nemne Elvis Presley, Jim Reeves, Lois Armstrong, Fats Domino, The Beatles, ABBA, Bee Gees, Eletric Light Orchestra med fleire. 60-talsmusikk og danse-bandmusikk er også blant favorittane. All musikk som har eit «slagerpreg» over seg, er god musikk.

Til trening og konkurransar bruker eg aldri musikk. Då vil eg vere konsentrert å få med meg det som skjer rundt meg utan forstyrrande element. Å jogge rundt i trafikken med øyrepropper og musikk på full guffe er dessutan livsfarleg, og her vil eg be dei som div med dette sjansespelet om å tenkje seg nøye om!

 

Kva likar du å sjå på fjernsyn?

Fjernsynssjåing blir det lite tid til. Eg høyrer derimot ein del på radio når eg køyrer bil.

Skal eg prioritere å sjå noko på TV, må det bli Kveldsnytt og liknande nyheitsprogram.

Sportssendingar er også noko som kan bli prioritert, helst fotballkampar og vinteridrett som ski og hurtigløp på skøyter. Programma til Linda Eide prøver eg også å få med meg.

Eg likar ikkje å innrømme det, men det var ein periode på 80-talet at eg prioriterte «Dynastiet» og «Falcon Crest» framom det meste. Heldigvis gjekk eg lei og sidan det har eg passa på å halde meg vekke frå slike «evigheitsseriar». Å sitje og sjå på seriar er etter mitt syn TOTALT vekk-kasta tid.

 

Kvar likar du best å feriere?

I feriane likar eg best å ta ein tur for å besøkje familie, slekt og vener. Turane til Sørlandet og Farsund er sjølvsagt obligatoriske. Då dreg vi med oss campingvogna og bruker eit par-tre dagar på turen ned og tilsvarande på turen heimatt. Undervegs på desse turane likar vi i familien å få med oss nokre fjellturar som Galdhøpiggen, Glittertind, Besseggen, Preikestolen, Kjeragbolten, Gaustadtoppen for å nemne nokre kjende utfartsmål. Eg likar definitivt IKKJE å ligge i telt, så desse turane blir dagsturar slik at eg kjem meg innomhus (les campingvogna) før natta fell på.

I Farsund parkerer vi vogna ved huset til Anita si syster, Berit og mannen, og så er vi saman med dei i eit par veker før vi vender nasen heimatt til Straumgjerde for å gjere unna andreslåtten.

Anita, gutane og eg har også hatt nokre flotte turar til Bulgaria og Hellas som eg har sett stor pris på. Eg er ingen luksusmann, så storbyferiar på hotell er absolutt ikkje mi greie. Det vert dessutan altfor kjedeleg å trakke rundt i bygatene og innom alle slags butikkar.

 

Har du eit treningstips å dele med lesarane?

Tren variert og tren saman med andre. Det er mykje meir motiverande og forpliktande enn å halde på åleine. Må ein trene åleine, er klokka ein viktig motivator. Ta tida på deg sjølv, f.eks. opp på Bruna i Straumgjerde, og konkurrer med deg sjølv deretter. Det er også viktig å vere med i ulike løp og konkurransar. Då yter ein mykje meir enn om ein berre trenar. Det å presse seg ut over komfortsona gir sjølvsagt auka kapasitet. Ein annan faktor med å fare rundt på ulike konkurransar er at då treffer ein nye folk som ein blir kjend med og blir del av eit inkluderande og kjekt miljø. Dei fleste personar vinn seg, som kjent, med bekjentskap...

 



Publisert: Søndag 17. Mai 2020 Kl. 16:22
Siste nyhende
80 fullførande i Jordbærdilten i Valldal
Flotte løp i den 3,2 km lange løypa av VIL-trioen Vegard Riksheim Tandstad, Frode Mauren og Roger Vanebo.
Les meir (26.07.2020)
Pe-Tomasz på besøk i Velledalen
FOTO: Frå fjord til fjell 2014 Vert på Hjorthol i Velledalen frå 23.juli til 30.juli.
Les meir (25.07.2020)
Eks VIL-utøvar fyller 90 år.
ArkivfotoI dag gratulerer vi Torleiv Hole med 90 års dagen den 19.juli.
Les meir (19.07.2020)
Henning tok alle trimpostane
Henning på Myrdalsfjellet. Foto: Asgeir Tandstad.Her er Henning sine eigne ord frå prosjektet, dagen etter stuntet.
Les meir (19.07.2020)
Henning vart historisk klokka 20.43
Henning Tandstad vart den fyrste frå Tandstad krins som tok alle Velledalen IL sin 14 trimpostar på same dag til fots!
Les meir (19.07.2020)
Henning tar trimpostane – litt om turen.
Vart ulideleg trøytt då han nærma seg Brunstad Kraft og måtte ha søvnpause.
Les meir (18.07.2020)
Tidlegare A-kjendis ved start
Foto henta frå www.athenas.noLitt tøft at Cato Zahl Pedersen var mellom dei frammøtte ved ungdomshuset Vårvon då Henning starta trimpost-turen.
Les meir (18.07.2020)
Regnskyll for Henning i krevande parti
Henning Tandstad held stø kurs mot målet, men måtte tole kraftige regnbyger på strekninga Holetindane – Svartevatnet.
Les meir (18.07.2020)
Kjøpmann på tur – sommaren er tida for stunt
Les kven av Velledalen IL sine medlemar som har planlagt å ta alle trimpostane i same tur, med start komande natt (laurdag 18.juli).
Les meir (17.07.2020)
To spenstige bursdagar innmelde i dag
Veit nokon kva Einar Magne Fet og Erling Johannes Tandstad har felles….? Les saka, så får du svaret
Les meir (17.07.2020)
Æresmedlem Magnar fyller 93 år
Arkivfoto15.juli vert Velledalen IL sin eldste æresmedlem, Magnar Fet, 93 år.
Les meir (15.07.2020)
Velledalen IL-jakke på Preikestolen
Ikkje preikestolen i ei kyrkje, men sjå foto av kven som har vore på turistmålet Preikestolen.
Les meir (15.07.2020)
Helsing frå Sørlandet
Nettsida har fått inn ei helsing frå familien Mosby Nakken som ferierer på Sørlandet
Les meir (14.07.2020)
Send oss helsingar!
Velledalen IL sin klubbjakker, eller andre kolleksjons-plagg, er for tida spreidde utover kongeriket og endå vidare.
Les meir (14.07.2020)
Nettsida oppe og går igjen
Det er ferietid, og forsyne meg har ikkje nettsida til Velledalen IL også teke ferie.
Les meir (14.07.2020)
O-gruppa jobbar knallhardt med kart
Nytt kart i området Ikornnes/Sessvatnet, oppdatering av Velledals-kartet og utviding av Fjellsætet-kartet.
Les meir (05.07.2020)
Trimbingo til Brunstadsætra 12.juli
Arkivfoto Trimgruppa melder at den årlege grillkvelden vert noko amputert i coronaåret
Les meir (05.07.2020)
Nytt karusell-løp i Ålesund 8.juli
Andre løp i Ålesund Sommarkarusell vert arrangert onsdag 8.juli
Les meir (05.07.2020)
Ove Skylstad held fram som leiar i VIL
«Orrenes-ekspressen» (Sondre Bårnes) einaste nye i hovudstyret.
Les meir (05.07.2020)
Takkar for 2829 grasrotkroner i juni!
Juni vart ein særs god månad med 2829 kroner i klubbkassa frå 105 spelarar
Les meir (01.07.2020)
Aktuelt foto frå vinteren 2005
Broren til den sovande jenta er verdsmeister i orientering mange gonger, og skal nytte Velledalen Il sin o-kart til trening i sommar.
Les meir (30.06.2020)
May Evy Nesheim nest beste kvinne i Mefjellet Opp
Frode Mauren vart nummer to i klasse M 45-49
Les meir (28.06.2020)
Kjetil og Per-Gunnar fekk klaff med juni-vêret
Alle vi veit om synest juni 2020 har vore ein framifrå vêrmånad
Les meir (28.06.2020)
Lukke til Frode og May Evy!
Frode Mauren og May Evy Nesheim er i dag på plass i Fjørå der starten går for motbakkeløpet Mefjellet Opp.
Les meir (28.06.2020)
Toppløpar klar for Velledalen IL
Friidrettsleiar Alf Petter Bøe er stolt som ein hane om dagen etter å ha fått sterke Constantin Rust (23) inn på laget.
Les meir (28.06.2020)
Stor takk til Sparebanken Møre
Banken gav 25 000 kroner (TEFR-midlar) til prosjektet « Orienteringskart Ikornnes/Sessvatnet).
Les meir (28.06.2020)
Eit vakkert foto om gode rollemodellar!
Så godt som alle born har sine rollemodellar, med gjerne foreldra i aller fremste line.
Les meir (23.06.2020)
Kvepsebol
Pass opp for små hissige kvepsar.
Les meir (22.06.2020)
Litt stoff omkring det å vere o-løpar
Meir frå «Oppdal 2-dagars». Mellom anna våre utøvarar sine resultat andre dag
Les meir (22.06.2020)
Tomasløpet: Ny triumf til Constantin Rust
Arrangøren, Velledalen IL, er ikkje nøgde med 42 deltakarar. Men vinnartidene var fine, 17.55 på Constantin Rust og 22.52 på Elida Fuglem.
Les meir (21.06.2020)

 Arkiv
Kalender
Komande aktivitetar:
Nettsidene er oppdatert og publisert hos Besøk www.pronett.no