Navigasjon
Navigasjon
Div. info

KORT HISTORIKK

Konradløpet er eit løp for å ære minnet etter Konrad Brunstad (Mons-Konrad 1910-2000). Konrad byrja trene då han var i 70-åra, etter at han og Arne C. Brunstad (Brua-Arne) hadde observert fenomenet ”jogging” i USA. Forma vart stadig betre. Han deltok ved fleire høve i Ålesund halvmaraton – også etter han hadde passert 85 år. Konrad likte best å trene tidleg om morgonen, då lufta var reinast. Difor starta løpet klokka 05.00. Ei av dei faste treningsløypene hans var ”runden” frå Brunstad til Hole og tilbake, akkurat der Konradløpet går. Andre faste treningsturar var på fjellet Koppen, eller ein kjapp tur på Vellesæta.

OM LØPET

Konradløpet vart fyrste gong arrangert i 2002. Det har start og mål på Brunstad, like ved Jokerbutikken. Løypa er 4,5 km lang etter asfalt, og stort sett ganske flatt (mest stigning i fyrste halvdel). Det er drikkestasjon i Holeøyane (etter halve løpet). Starten for hovudløpet går presis klokka 05.00. Deltakarrekorden i hovudløpet er 372 frå 2006. Samla deltakarrekord medrekna Minikonrad, Oslokonrad, Slovakiakonrad og Påskekonrad er 511 frå 2015.

DELTAKING

2002: 196 deltakarar

2003: 243

2004: 248

2005: 264

2006: 372

2007: 422 (medrekna Minikonrad)

2008: 398 ( medrekna Minikonrad)

2009: 464 (medrekna Minikonrad)

2010: 395 ( medrekna Minikonrad)

2011: 386 ( medrekna Minikonrad)

2012: 450 (medrekna Minikonrad)

2013: 361 (medrekna Minikonrad)

2014: 455 (medrekna Minikonrad)

2015: 511 (medrekna Mini-,Påske-,Oslo-, og Slovakiakonrad)

GRATIS FRUKOST

I samband med VIL sitt 100 års jubileum i 2006 vart det spandert gratis frukost på alle deltakarane i Konradløpet. Dette vart så populært at det sidan har vore fast tradisjon. Frukosten vert servert i Velledalen grendahus, der det også er garderober, premieutdeling .m.m.

 

KONRADFILMEN

Odd Kvammen – slektning av Konrad Brunstad – forstod at Konrad var noko utanom det vanlege. Han laga film om Konrad frå dei åra han dreiv som hardast, og der han sjølv fortel om sin fysiske kvardag, om helse og motivasjonen for å drive på. Ein knakande god film, og utan denne filmen hadde det kanskje aldri blitt noko Konradløp. Filmen vart vist i gravferda til Konrad. Ole Petter Berge var sendebod til idrettslaget og den som fyrst ymta frampå om at ”Konrad eigentleg skulle hatt sitt eige løp”.

Det fekk han, og Odd Kvammen har gitt ein film i gåve til VIL, slik at Konrad sine tankar kring mosjon, helse og livsfilosofi  elles,  kan bli friska opp att i samband med Konradløpet.

FLEST KVINNER

Konradløpet – der farta ikkje er viktig, heiter det. Og mesteparten av deltakarane stressar ikkje i løypa. Rett nok er det tidtaking i Konradløpet, men berre av dei drygt hundre fyrste som går over mål. Tidene til 2/3 av deltakarane vert aldri gjort offentlege. Litt spesielt er det òg, at løpet dei fleste åra har samla fleire kvinner enn menn. Ikkje stor skilnad, men om lag 55-45 i kvinnene sin favør i snitt. Eit klart prov på at dette er eit ”landevegsløp” utanom det vanlege. I 2012 hadde mannfolka mobilisert. Då enda "kjønnsduellen" 169-169 i Hovudløpet.  2013 var året der mannfolka for fyrste gong var i fleirtal, då hovudløpet enda 155-135 i mannfolka sin favør.

MINIKONRAD

Vart fyrste gong arrangert i 2007. Den gongen var løpet for aldersgruppa 0-13 år, og samla 64 deltakarar. Tilbakemeldingane var positive. Seinare vart løpet utvida til å gjelde aldersgruppa 0-16 år (ut Ungdomsskulen). Løpet vert alltid arrangert kvelden før hovudløpet - altså 30. april.

Fyrst dei yngste utan tidtaking.   

Like etter 11 år og eldre med tidtaking. I 2015 deltok 162 unge i Minikonrad, så mange at arrangøren bestemte at det i ettertid skulle delast i tre startar.

Minikonradløypa var i byrjinga 1050 meter på Brunstad. Seinare var løpet flytta til Dalemyra med kortare løyper. 350 meter for dei yngste og 750 meter for dei eldste. Underlaget vekslar mellom grus, gras og asfalt

NB!: Påmelding løpsdagen - i god tid før start.

Her vert samtlege premiert, startkontingent kr 60,-

Tidlegare har skiskyttar og motbakkeløpar Hans Martin Gjedrem (med fleire NM-gull som senior) kasta glans over premieutdelinga og like eins skihopparen Tommy Lianes (217 meter). I 2013 hadde vi vitjing av Ivar Ulvedal med fleire gull frå Special Olympics World Winter Games, medan det i 2014 var Martine Lorgen Øvrebust, NM-vinnar i langrenn junior, som delte ut premiar. I 2015 var det sykkylvsbygda sin eigen kastar, Herman Velle Aurdal, som fekk æra.

Start og mål same stad som for hovudløpet; Brunstad i Velledalen (ved Jokerbutikken).

Deltakarrekorden i Minikonrad er 162 frå 2015

GRATIS DELTAKING

Det har i alle år vore gratis deltaking for personar med Konrad som føre- eller mellomnamn, og for alle personar over 90 år. Deltaking av personar over 90 år fekk vi tidleg (Tomas Tandstad), men vi måtte utruleg nok vente heilt til 2007 før vi fekk ein person med Konrad som døypenamn på startstreken. Men då kom det til alt overmål tre på ein gong. Eldste Konraden vi har hatt er Konrad Gausemel frå Hornindal som fullførte i fin stil som 84-åring, henta blodfersk rett frå senga midt på natt i Honndalen av mellom andre Inge Asbjørn Haugen.

PREMIERING

Minikonrad: Alle premiert – lik premiering. (sjå tidlegare i teksten)

Hovudløpet: Diplom ved fyrste gong deltaking, Konradmedaljen i sølv 3.gong og Konradmedaljen i gull 6.gong. Vidare 10 års premie og 15 års premie. Det vert trekt premiar på startnummer, der om lag 20 prosent av deltakarane vert premiert – i all hovudsak med gåvepremiar.   Dei tre beste damene og tre beste herrane vert premiert. Ny løyperekord gir 1000 kroner i premiepengar både i dame- og herreklassa.

  HARDE FAKTA:

* Deltakarrekord: 511 (Mini-Oslo-Slovakia og Påskekonrad inkludert) (2015)

* Løyperekord damer: Kristine Hjellbakk Hole 16.59 (2017)                                                       * Løyperekord herrar: Abdulaziz Ibrahim 13.30 (2016)

*Eldste deltakarar: Tomas Tandstad deltok i sitt 92.leveår (2004) og Kjellaug Ulset i sitt 91. (2018)

* Deltaking frå 20 ulike nasjonar.

* Beste Konrad: Konrad Lillebø 19.55 (2007)

* Beste søskenpar (gut/jente): Sondre og Elisabeth Overvoll Hole, Stranda, 35.24 (2012)

* Beste ektepar/sambuarpar: Kathinka Havnegjerde og Jo Andre Tandstad, Langevåg, 37.27 (2011)

* Nasjonale rekordar:

13.30: Abdulaziz Ibrahim, Eritrea (2016) - løyperekord

14.48: Knut Anders Hatlen, Noreg (2012)

16.34: Michael Uhlar, Tsjekkia (2010)

17.02: Jonas Siurskas, Litauen (2016)

17.34: Pernille Ibsen Lervåg, Danmark (2018)

17.55: Niek Schreijer, Nederland (2014)

18.12: Daryl Matthews, Australia (2009)

18.43: Stijn De Smedt, Belgia (2018)

19.03: Mateusz Wojcieh Oskiewicz, Polen (2016)

20.08: Sharon Svedgård, Jamaica (2017)

20.24: Olga Sørensen, Russland (2015)

20.29: Fadel Traore, Elfenbeinskysten (2007)

20.38: Jan Rakottyai, Slovakia (2017)

20.50: Omid Ahadi, nasjon ukjend (2018)

21.17: Georgi Todorov, Bulgaria (2004)

21.51: Irrfe Renz Bagol, Filippinane (2009)

22.07: Martin Lotz, Tyskland (2010)

22.16: Victor Scattergood, England (2009)

24.09: Chris Aggerholm, USA (2007)

24.09: Mehyar Zarzar, Syria (2016)

24.44: Ilyas Degirmenci, Tyrkia (2006)

24.48: Joakim Mårtensson, Sverige (2008)

PÅMELDING

Atle Hole tlf 70 25 07 49 – 917 43 761 e-post: atlehole@online.no

eller Velledalen IL facebook/nettside

Minikonrad: påmelding ved start løpsdagen. Hovudløpet helst innan 30.april

STARTKONTINGENT 2016

Minikonrad: kr 50,- pr.pers

Hovudløpet: Born kr 100,- Vaksne kr 200,- Familie 450 (frukost inkludert for alle)

Dette gjeld påmelding innan 30. april klokka 1600

Seinare påmelding er mogleg mot tillegg i prisen.

På grunn av trivselen ved frukosten er det sett tak på 350 deltakarar ved hovudløpet.

  

Siste nyhende
Solbjørg Brunstad konkurranse-vinnar
Solbjørg Brunstad har hatt flaks under loddtrekning tidlegare og hadde det igjen denne veka.
Les meir (19.03.2020)
Den tillyste 3000 meter testen er avlyst
I tråd med råd frå dei som sit på mykje kunnskap innan helse og idrett, er den tillyste 3000 meter testen den 22.mars avlyst.
Les meir (19.03.2020)
Midtveke-konkurranse med premiering
Sjå foto! Karane er kjende, men kvar er dei…?
Les meir (17.03.2020)
VIL-årsmøtet utsett på ubestemt tid
Det tillyste årsmøtet i Velledalen IL den 19.mars, er altså utsett.
Les meir (17.03.2020)
VIL-utøvarar med 463 startar 1.halvår 2019
Foto: Karl Egil LiasetEnorm aktivitet i Velledalen IL i 2019. Medlemar av Velledalen IL gjorde 463 startar i 1. halvår.
Les meir (15.03.2020)
Velledalen grendahus: Stengd for kroppsleg utfalding
Alle kommunale symjehallar og gymsalar i Sykkylven er stengde i tidsrommet 13.mars til 1.mai.
Les meir (14.03.2020)
Skikarusell
Vedlagt bilde viser to sunnmøringar under oppvarminga, Velledalen IL til venstre og Valldal IL til høgre.Elektronisk brevhelsing frå nord:
Les meir (12.03.2020)
Corona-viruset tok årets Birkebeinerrenn
ArkivfotoSvein Arne Nakken var einaste påmelde frå Velledalen til dette rennet.
Les meir (11.03.2020)
Går det mot toppår for trimpostane….?
Lite snø i låglandet gjer turar til nokre av Velledalen IL sine trimpostar til heilårs-aktivitet.
Les meir (09.03.2020)
O-trening
O-gruppa testet i ettermiddag et nytt konsept med innetrening for barn/ungdom med løpeleker og o-teknikk, dvs trening av både hode og kropp slik som orienteringsløp også er.
Les meir (08.03.2020)
Vinterkarusellen: Resultat Velledalen IL
Slik gjorde VIL-løparane det i siste løpet i Ålesund Vinterkarusell laurdag 7.mars
Les meir (08.03.2020)
Vêrmeldinga stoppa rennet, men det vart trena.
Det tillyste ski-o rennet til Velledalen IL/Emblem IL som skulle arrangerast sundag 8.mars vart avlyst grunna dårlege vêrmeldingar.
Les meir (08.03.2020)
AVLYST skiorientering
Grunna dårleg meldingar.
Les meir (07.03.2020)
Solid VIL-debut av Frode Hoprekstad
Brukte 44.12 på mila under siste løpet av Ålesund Vinterkarusell denne sesongen.
Les meir (07.03.2020)
Lillian klassevinnar i VIL-debuten
Lillian Nykrem har meldt seg inn i Velledalen IL og vann K 35-39 år i sitt fyrste løp for laget vårt.
Les meir (07.03.2020)
Premiedryss til Velledalen IL i vinterkarusellen
Alle som kunne slå i bordet med tre løp eller meir (av i alt fem) vart premierte då Ålesund Vinterkarusell 2020 vart avslutta laurdag 7.mars
Les meir (07.03.2020)
Siste løpet i vinterkarusellen
Velledalen IL stiller ein brei tropp. Frode Hoprekstad debuterer for VIL.
Les meir (07.03.2020)
Ung VIL-medlem vinnar i loddboka
Ein av idrettslagets yngste medlemmar, Tea Tandstad, stolt vinnar av andrevinsten frå idrettslaget si loddbok.
Les meir (04.03.2020)
Idrettsgalla: Alle prisane som vart delte ut
Vi har den siste tida omtala mange av dei utdelte prisane under Idrettsgallaen. Her finn du alle prisane samla, i den rekkefølga dei vart delte ut.
Les meir (04.03.2020)
Velledalen IL har fått pengar til skulegardskart
Då har Pernille Ibsen Lervåg på vegne av Velledalen IL fått pengar til skulegardskart ved alle skulane i Sykkylven.
Les meir (03.03.2020)
Idrettsgalla: Pris til Nærbutikken
Nærbutikken i Velledalen vart også heidra, då den stakk av med «Nært og Nyttig-prisen».
Les meir (02.03.2020)
To luringar på Idrettsgalla
Dei færraste visste at Jan Rakottyai og Ivar Flo hadde noko felles. Idrettsgallaen i VIL avsløra kva.
Les meir (02.03.2020)
107 gjekk Barnas Fjellsæterrunde
Steffen Mork frå Emblem IL raskast rundt Sætrevatnet. Mange VIL-løparar markerte seg positivt i rennet.
Les meir (02.03.2020)
O-teknikk og løpeleik for store barn/ungdom
Søndag 8.mars blir en slags kick-off for o-sesongen 2020. Vi starter med ski-o på Fjellsætra i tidsrommet kl 12 til kl ca 14. Dette er for alle, se egen invitasjon/informasjon på Facebook og nettsida til idrettslaget.
Les meir (02.03.2020)
Skiorientering på Fjellsætra søndag 8. mars 2020
Hva er skiorientering: Skiorientering går, i likhet med orientering om sommeren, ut på å finne raskeste veg mellom postene i sin løype. I tillegg til vanlige langrennsløyper, så er det også kjørt opp scooterspor.
Les meir (01.03.2020)
VIL-trio gjekk Gaurhovdrennet
Denne helga har mange vore i aksjon på ski. Mellom anna tre VIL-medlemar i Gaurhovdrennet.
Les meir (01.03.2020)
Fantastiske medlemstal i januar og februar
- Dette er kjekt! Slik medlemsflyt har vi aldri tidlegare hatt, fortel Velledalen IL sin ansvarlege på feltet.
Les meir (01.03.2020)
2236 grasrotkroner i februar
- Fine tal, seier Velledalen IL-kasserar, Henning Tandstad, i ein kort kommentar.
Les meir (01.03.2020)
Frå 1974: Sølvi Hole og Ove Skylstad best i trekamp
arkivfotoMinnest du noko så langt tilbake som 1974..? Kanskje ikkje, men her kjem eit lite drypp frå årsmøtet hausten 1974.
Les meir (29.02.2020)
Barnas Fjellsæterrunde 1.mars
arkivfotoRennet tel samstundes som fyrste renn i Telenor-Fjellsætercup langrenn
Les meir (28.02.2020)

 Arkiv
Kalender
Komande aktivitetar:
Fr03.04
To30.04
Fr01.05
Nettsidene er oppdatert og publisert hos Besøk www.pronett.no