Navigasjon
Navigasjon
Frode Mauren – King of the road

BUSTAD: Vegsund

ALDER: 47

YRKE: Sjåfør for HI Giørtz

KLUBB: Velledalen IL

 

Truleg er Frode Mauren ein av dei sprekaste storbil-sjåførane  i nye Ålesund kommune. Og om han ikkje er det, så skal han bli det. I 2019 sette   den 184 cm lange løparen ny personleg bestenotering i nesten alle løp han deltok i. 10 km eller halvmaraton spela inga rolle. Ny pers vart det uansett. I motbakkeløp også.

 

Då Frode kom til Velledalen IL frå Vegsund Racing, var han alt ein sunn mann. Han peisa mellom anna innpå havregrynsgraut før alle krevjande løp. Men VIL sin ernæringsekspert, såg at den kring 75 kg tunge utøvaren mangla den siste «finishen». Difor tok han mokkabønner som kosttilskot kvar gong han stoppa ved Nærbutikken i Velledalen. Kombinasjonen havregrynsgraut/mokkabønner vart såleis ein suksess-faktor.

 

Frode Mauren er familie-mann med sambuar og to søner. Yngsteguten, Jonny,

 driv med skihopp, og er VIL sin fyrste gute-hoppar etter Ståle Ødegård (krafthoppar tidleg i 1970-åra). Han er også mannen som har rekruttert May Evy Nesheim inn i Velledalen IL. Og han køyrer rundt med fleire svære VIL-logoar på privatbilen sin, og det er hans verk at nestleiaren i laget gjer det same.

 

Frode Mauren sitt engasjement for Velledalen IL er langt større enn folk flest – også dei som er fastbuande i området. Han er ofte på skiturar i sykkylvsfjella, eller han kjem til Sykkylven for å trene. Elles trenar han ein god del saman med Jan Ketil Vinnes, to gonger Konradløp-vinnar. Og ingen har så mange plagg i VIL-kolleksjonen som Frode, og ein slepp tvile på kva klubb den karen representerer når han er på løp. Her er Frode eit føredøme!

 

Personar med engasjement som brenn, og som står fram med det, er sterke personar. Frode er ein slik. Held han seg skadefri vil han nå måla sine !

 

Frode

 

Er Vørterøl favorittdrikken din?

Nei, men det kan drikkast i nødstilfelle. Favoritten til vanleg er cola utan sukker, men før konkurranse er det ei boks cola med sukker som gjeld. Gjerne på deling med min klubbkamerat Henning.

 

Kva er favorittretten din?

Wok eller kylling og pasta er favorittar. Elles et eg veldig mykje havregryn.

 

Fortel kort om idrettskarriera di.

Eg dreiv med fotball til eg var 12 år, før eg tok til med skyting, noko eg dreiv på med i 3-4 år. Etter det vart det 20 år der tida vart brukt til sofasliting og motorsykkelkøyring. Først i 2008, som 35-åring, byrja eg med styrketrening og motbakkeløping. Men forma var dårleg etter sofaligginga, så det var trening av dårleg kvalitet. I 2012 var eg med i motbakkeløpet Skåla Opp, og det gav meirsmak. Så var eg med i Varden Opp på Sula, og fleire andre løp, og forma var stigande. Den gongen hadde vi eit lite løpsmiljø under namnet Vegsund Racing, som opphaveleg var ein motorsykkelklubb, men etter kvar vart eg åleine. Dei andre orka ikkje meir. Eg sleit dei ut, trur eg...

 

Korleis og kvifor medlem i Velledalen IL?

Eg vart kjend med Henning på Nærbutikken i Velledalen, då eg leverte varer der. Vi fann vår felles interesse for løp, og prata ofte om det når eg var innom. Ein dag presenterte han meg for Atle og Alf Petter som var på vitjing i kaféavdelinga. Praten vart bra, og kjemien stemte. Vi snakka same språket, om tid, fart, trening, andre utøvarar osv. Så vart eg invitert med i Tomasløpet der eg møtte opp og tok andreplassen, bak Kjell Magnar. Det var mitt siste løp som klubblaus, sidan Henning overtalte meg til å bli VIL-medlem kort tid etter. Eg følte meg velkomen i klubben, og har ikkje angra eit sekund.

 

Når var du sist på ein VIL-trimpost?

Har nok forbetringspotensiale innan trimpostbesøk. Sist gong var Bruna under Tomasløpet i fjor.

 

Sportsleg mål for det neste året?

1 t. 24 min. på halvmaraton og 36-talet på 10 km. Så vil eg gjerne ha så mange klassesigrar som muleg. Så ønskjer eg å bli enda meir «gær’n» i hovudet under løp.

 

Favorittmusikk?

Likar godt musikk frå 80-talet, både det tunge og det rolige. Brukar ikkje musikk til trening – då er det full konsentrasjon.

 

Kva likar du å sjå på fjernsyn?

Når det gjeld seriar er Bonanza heilt konge. The Mountain Between Us og Rambo 3 må nemnast som favorittfilmar.

 

Kor likar du best å feriere?

Har alltid likt camping i Sverige, men eg reiser kor som helst. No drøymer eg om alpeferie i Sveits/Austerrike. Tyrkia og Hellas er også greitt, men synast det er nok med ei veke.

 

Har du eit treningstips å dele med lesarane?

Det gjeld å trene variert og ikkje låse seg fast i ei spesiell løype. Då stagnerer ein. Elles er kvile viktig!

 



Publisert: Torsdag 7. Mai 2020 Kl. 22:47
Siste nyhende
ANETTE HEIMLI JOKSTAD – FRÅ BALLSPEL TIL HINDERLØP
Vi visste det ikkje då vi starta denne serien, men faktum er at Anette Heimli Jokstad har to reklameplakatar for vørterøl i leilegheita ho bur. Ekte reklameplakatar frå T-bana i Oslo, som Anette har hatt sidan barndomen. Tøft!
Les meir (24.05.2020)
O-sesongen i gang med løp på Emblem
Hurra! Endeleg er o-sesongen i gang for alvor med løp på Emblem sundag 24.mai
Les meir (24.05.2020)
2001 var Jostein Linga sitt år
Ny sak frå Atle Hole sitt frilansarkiv. Denne gongen frå fotballåret 2001.
Les meir (21.05.2020)
Seks utøvarar frå Velledalen IL sprang 17.mairaton
Mellom desse Roger André Vanebo som dermed leverte ein flott re-debut som VIL-løpar i moden alder (M 55-59).
Les meir (19.05.2020)
Her kjem ei 17.maihelsing frå osloavdelinga.
Oslo maraton arrangerte det virtuelle løpet 17.mairaton med over 8000 deltakarar i dag.
Les meir (18.05.2020)
SVEIN ARNE NAKKEN – Skulemann, sauebonde og gratis-arbeidar
Svein Arne Nakken sine svar er så grundige, at vi treng ikkje skrive mange orda om han «føreåt». Men grovt sagt er livet hans delt i fire bolkar, som fylgjer: Familie Ullavik skule Sauebonden Svein Gratis-arbeid
Les meir (17.05.2020)
Snøras over mykje brukt treningsveg
Heldigvis gjekk alt bra denne gongen
Les meir (17.05.2020)
Les «Siste Dansen» og send varme tankar til Severin
«Siste Dansen» er historia om VRF sitt herrelag sine gode år i perioden 1995-2000, med hovudvekt på året 1996, då laget berre var eitt mål unna opprykk til nivå tre.
Les meir (16.05.2020)
Jan Rakottyai – i motorsport-miljøet «Rakett-Jan»
Velledalen IL har etter kvart vorte ganske så internasjonale. Ein av dei som bidreg i så måte, er Jan Rakottyai, frå Slovakia. Han snakkar flytande norsk, så språkleg er dette 100 prosent problemfritt.
Les meir (15.05.2020)
Jarle Konrad 80 år 11.mai
I dag fyller Jarle Konrad Fausa i Fausadalen 80 år.
Les meir (11.05.2020)
Ellen Marie Hole – medfødt medlemskap på livstid
Ellen Marie er den mellomste av Olatausene i alder. Ho har alltid vore ei bestemt kjelle, så bestemt at ho tok eit kvileår frå fotballen som niåring. Men det vart fort kjedeleg, så ho var tilbake året etter.
Les meir (10.05.2020)
Jorunn sprang virtuelt løp
Takk til Jorunn Kvalsund Jarnes som introduserte oss for virtuelle løp då ho deltok i «Run Forest Run», sundag 10. mai. Men kva er eit virtuelt løp?
Les meir (10.05.2020)
Fin gest til turfolket!
I Hjorthol Grunneigarlag vert auka rift etter parkering møtt med gratis parkering og ynskje om GOD TUR!
Les meir (09.05.2020)
Elling held koken på Myrdalsfjellet
VIL har hatt ein melder på Myrdalsfjellet trimpost. Der i frå vert det rapportert at Elling Hole har fått luke til resten av feltet.
Les meir (09.05.2020)
Per Inge kommenterer 105 000 meters løpet
Vi har tidlegare på VIL-nett fått kommentarar frå Frode Hoprekstad og Bjørn Arve Brune via Svein Arne Nakken. Her set Per Inge Bjørnestad sine ord på hendinga.
Les meir (04.05.2020)
Nærbutikken Velledalen: Vørterøl fram 600 prosent
Butikk-sjefen ved Nærbutikken i Velledalen, Henning Tandstad, melder om ein formidabel auke i salet av vørterøl siste året.
Les meir (04.05.2020)
Aktive treningsdagar i Velledalen for OCR-paret vårt
Planen var at hinderløparane våre, Anette Heimli Jokstad og Nikolai Handle Jensen, skulle setje farge på Konradløpet.
Les meir (03.05.2020)
Kommentarar frå Bjørn Arve og Frode
Svein Arne Nakken har sendt kommentarar frå Bjørn Arve Brune og Frode Hoprekstad til VIL-Nett i etterkant av 105 km–løpet deira 1.mai.
Les meir (03.05.2020)
Endeleg fekk Anette premien sin
Laurdag 2.mai 2020 fekk Anette Heimli Jokstad endeleg premien sin som «Årets Idrettskvinne 2019» i Velledalen IL.
Les meir (03.05.2020)
Forsvars-Konrad
I fjor haust var det min tur til å reise i fyrstegongstenesten.
Les meir (01.05.2020)
Stunt-kameratane greidde 105 kilometer
Heretter bør trioen Frode Hoprekstad, Per Inge Bjørnestad og Bjørn Arve Brune gå under namnet «Stunt-kameratane»
Les meir (01.05.2020)
Sterk kvinnetid av Anette
Korona-Konrad, del 2, vart arrangert 1.mai klokka 10.00 med fire løparar.
Les meir (01.05.2020)
Takk for 2594 grasrotkroner i april!
Kjekt at støttespelarane våre støttar opp i ei vanskeleg tid.
Les meir (01.05.2020)
Trimpostane: Truleg mot toppår for Koppen!
Koppen trimpost er «stikk-ut» turmål denne sesongen og vil venteleg få eit markert oppsving frå det normale.
Les meir (01.05.2020)
Ole-Peder stakk frå og vann Korona-Konrad.
Konradløpet vart avlyst, men ei gruppe på ni personar og ein hund heldt tradisjonen med 1.mai-løp i hevd.
Les meir (01.05.2020)
Frode Hoprekstad gjer sportsleg stunt 1.mai
1.mai klokka 07.00 går startskotet for eit «stunt» i regi av VIL-medlem Frode Hoprekstad.
Les meir (30.04.2020)
Riksheimdalen: Ivar og Bård i tet
708 turar total hittil i sesongen, vart resultatet då VIL nyleg hadde inspeksjon i Riksheimdalen.
Les meir (30.04.2020)
Jo André Tandstad: Mange-syslar innan idrett
Jo André starta med fotball og Bordtennis. Hasta vidare med friidrett, judo, volleyball, før han slo seg på kondisjonsidrett med sykkel som fyrste grein. Så vart det løp og romaskin. I sistnemnde grein tek han stadig steg mot god nasjonal klasse.
Les meir (29.04.2020)
Bruna trimpost: Mange gjeng mykje!
Og mest av alle går Jan Kåre Oterhals, med tett på 500 turar den dagen inspeksjonen gjesta posten.
Les meir (26.04.2020)
Langt mellom dei innskrivne på Høgsætra trimpost
Med 24 noteringar på 200 dagar seier det seg sjølv at det er langt mellom «kundane».
Les meir (26.04.2020)

 Arkiv
Kalender
Komande aktivitetar:
Nettsidene er oppdatert og publisert hos Besøk www.pronett.no