Navigasjon
Navigasjon
FK SYKKYLVEN STÅR I SJAKK

Det som er heldig for FKS er at motstandaren, Langevåg, alt er fortapt. Den gamle heiderskrona storklubben på Sunnmøre er garantert nedrykk. Eit nedrykk som svir.

 

Alt tyder på at berre eitt sunnmørslag rykkjer ned frå 3.divisjon (Hareid). I tillegg rykkjer nordmørslaget Dahle ned, og mest truleg Surnadal som det tredje. Det betyr at to sunnmørslag skal ned frå 4. divisjon. Langevåg vert eitt av dei. Det andre vert anten FK Sykkylven, Blindheim eller MSIL

 

Det som er klart er at FKS rykkjer ned med tap. Uavgjort kan halde, men då må Blindheim tape mot Godøy. Med siger kan FKS også passere MSIL, men då må sistnemnde tape sin heimekamp mot Ørsta. Vinn Blindheim og MSIL spelar minst uavgjort, ryk alt håp for våre gutar. Målskilnaden kan bli sykkylvingane sitt trumfkort i siste runde, men klart er det at: FK Sykkylven vert nummer ni, ti eller elleve i 4.divisjon 2012.

 

Stoda i botnen av 4.divisjon er slik:

25 poeng MSIL   - 10 minusmål

23 poeng Blindheim -38 minusmål

22 poeng FK Sykkylven -1 minusmål

18 poeng Langevåg – 18 minusmål

 

Avgjerande kampar fredag 12. oktober med kampstart 18.30

Blindheim-Godøy

MSIL-Ørsta

Langevåg-FK Sykkylven

 

Langevåg stadion har tidlegare vore ein avgjerande arena for sykkylvsfotballen i serieinnspurten. Berre spør Leiv Arne Alnes. I 1978 var han i høgste grad part i duellen, slik han på sett og vis også er det i 2012 gjennom sønene Bengt og Bendik.

 

Men skilnadane på 1978 og 2012 er mange. I 1978 vart det spela på blautt naturgras, komande fredag går duellen på «plastikk». I 1978 stod prøva om eit opprykk til nivå 3 i norsk fotball, i eit trekantdrama mellom Langevåg, Brattvåg og VRF. I 2012 står duellen om å unngå nedrykk til nivå 6 i norsk fotball for bygda med 7600 innbyggjarar sin del. Vi berre nemner det; Stordal med 1000 innbyggjarar er alt kvalifisert for spel på nivå 5 (4.div) i 2013. I 1978 var det mannfolk med skjeggvekst som spela i sykkylvsfotballen, i 2012 er det stort sett gutar med dun i ansiktet.

 

I 1978 enda det godt for VRF på Langevåg stadion – sjølv om våre menn, på same måte som FK Sykkylven, hadde det dårlegaste utgangspunktet før siste runde. VRF sigra 1-0, etter mål av Per Hole på direkte frispark i 2.omgang. Ikkje nokon ball som på finurleg vis vart «curla» i vinkelen frå 25 meter. Nei, det var ei brennheit kule rett over hovuda på folka i Langevåg-muren og i nettet før keeper Kjell Sandvik fekk sukk for seg. Leiv Alnes var stor i VRF- målet og sulalendingane sitt innkjøpte «jubelvatn» vart i ærbødig respekt flytta over i VRF-garderoba.

 

Dette var siste gongen eit lag på herresida i Sykkylven kommune kvalifiserte seg til nivå 3. norsk fotball. 34 år seinare er fokus for sykkylvsfotballen retta mot same stadion i serieavslutninga. Ikkje mot toppen av tabellen,  men mot botnen. Mot og unngå nivå 6 og sjakk matt i jubileumsåret (FKS er 10 år, VRF 60 år i år i 2012).

 

Jobben komande fredag vert å vinne kampen. Meir kan faktisk ikkje gjerast slik stoda er no.

Men vi må alle sjå i augene at «felles skjebne er felles trøyst», like gjerne kan bli resultatet av kampen i Langevåg komande fredag.   I så fall ei ramsalt jubileumsgåve for FKS, som av lokalavisa, Sykkylvsbladet, var tippa på øvre halvdel før sesongstart.

 
Atle Hole


Publisert: Søndag 7. Oktober 2012 Kl. 13:39
Siste nyhende
ANETTE HEIMLI JOKSTAD – FRÅ BALLSPEL TIL HINDERLØP
Vi visste det ikkje då vi starta denne serien, men faktum er at Anette Heimli Jokstad har to reklameplakatar for vørterøl i leilegheita ho bur. Ekte reklameplakatar frå T-bana i Oslo, som Anette har hatt sidan barndomen. Tøft!
Les meir (24.05.2020)
O-sesongen i gang med løp på Emblem
Hurra! Endeleg er o-sesongen i gang for alvor med løp på Emblem sundag 24.mai
Les meir (24.05.2020)
2001 var Jostein Linga sitt år
Ny sak frå Atle Hole sitt frilansarkiv. Denne gongen frå fotballåret 2001.
Les meir (21.05.2020)
Seks utøvarar frå Velledalen IL sprang 17.mairaton
Mellom desse Roger André Vanebo som dermed leverte ein flott re-debut som VIL-løpar i moden alder (M 55-59).
Les meir (19.05.2020)
Her kjem ei 17.maihelsing frå osloavdelinga.
Oslo maraton arrangerte det virtuelle løpet 17.mairaton med over 8000 deltakarar i dag.
Les meir (18.05.2020)
SVEIN ARNE NAKKEN – Skulemann, sauebonde og gratis-arbeidar
Svein Arne Nakken sine svar er så grundige, at vi treng ikkje skrive mange orda om han «føreåt». Men grovt sagt er livet hans delt i fire bolkar, som fylgjer: Familie Ullavik skule Sauebonden Svein Gratis-arbeid
Les meir (17.05.2020)
Snøras over mykje brukt treningsveg
Heldigvis gjekk alt bra denne gongen
Les meir (17.05.2020)
Les «Siste Dansen» og send varme tankar til Severin
«Siste Dansen» er historia om VRF sitt herrelag sine gode år i perioden 1995-2000, med hovudvekt på året 1996, då laget berre var eitt mål unna opprykk til nivå tre.
Les meir (16.05.2020)
Jan Rakottyai – i motorsport-miljøet «Rakett-Jan»
Velledalen IL har etter kvart vorte ganske så internasjonale. Ein av dei som bidreg i så måte, er Jan Rakottyai, frå Slovakia. Han snakkar flytande norsk, så språkleg er dette 100 prosent problemfritt.
Les meir (15.05.2020)
Jarle Konrad 80 år 11.mai
I dag fyller Jarle Konrad Fausa i Fausadalen 80 år.
Les meir (11.05.2020)
Ellen Marie Hole – medfødt medlemskap på livstid
Ellen Marie er den mellomste av Olatausene i alder. Ho har alltid vore ei bestemt kjelle, så bestemt at ho tok eit kvileår frå fotballen som niåring. Men det vart fort kjedeleg, så ho var tilbake året etter.
Les meir (10.05.2020)
Jorunn sprang virtuelt løp
Takk til Jorunn Kvalsund Jarnes som introduserte oss for virtuelle løp då ho deltok i «Run Forest Run», sundag 10. mai. Men kva er eit virtuelt løp?
Les meir (10.05.2020)
Fin gest til turfolket!
I Hjorthol Grunneigarlag vert auka rift etter parkering møtt med gratis parkering og ynskje om GOD TUR!
Les meir (09.05.2020)
Elling held koken på Myrdalsfjellet
VIL har hatt ein melder på Myrdalsfjellet trimpost. Der i frå vert det rapportert at Elling Hole har fått luke til resten av feltet.
Les meir (09.05.2020)
Frode Mauren – King of the road

BUSTAD: Vegsund

ALDER: 47

Les meir (07.05.2020)
Per Inge kommenterer 105 000 meters løpet
Vi har tidlegare på VIL-nett fått kommentarar frå Frode Hoprekstad og Bjørn Arve Brune via Svein Arne Nakken. Her set Per Inge Bjørnestad sine ord på hendinga.
Les meir (04.05.2020)
Nærbutikken Velledalen: Vørterøl fram 600 prosent
Butikk-sjefen ved Nærbutikken i Velledalen, Henning Tandstad, melder om ein formidabel auke i salet av vørterøl siste året.
Les meir (04.05.2020)
Aktive treningsdagar i Velledalen for OCR-paret vårt
Planen var at hinderløparane våre, Anette Heimli Jokstad og Nikolai Handle Jensen, skulle setje farge på Konradløpet.
Les meir (03.05.2020)
Kommentarar frå Bjørn Arve og Frode
Svein Arne Nakken har sendt kommentarar frå Bjørn Arve Brune og Frode Hoprekstad til VIL-Nett i etterkant av 105 km–løpet deira 1.mai.
Les meir (03.05.2020)
Endeleg fekk Anette premien sin
Laurdag 2.mai 2020 fekk Anette Heimli Jokstad endeleg premien sin som «Årets Idrettskvinne 2019» i Velledalen IL.
Les meir (03.05.2020)
Forsvars-Konrad
I fjor haust var det min tur til å reise i fyrstegongstenesten.
Les meir (01.05.2020)
Stunt-kameratane greidde 105 kilometer
Heretter bør trioen Frode Hoprekstad, Per Inge Bjørnestad og Bjørn Arve Brune gå under namnet «Stunt-kameratane»
Les meir (01.05.2020)
Sterk kvinnetid av Anette
Korona-Konrad, del 2, vart arrangert 1.mai klokka 10.00 med fire løparar.
Les meir (01.05.2020)
Takk for 2594 grasrotkroner i april!
Kjekt at støttespelarane våre støttar opp i ei vanskeleg tid.
Les meir (01.05.2020)
Trimpostane: Truleg mot toppår for Koppen!
Koppen trimpost er «stikk-ut» turmål denne sesongen og vil venteleg få eit markert oppsving frå det normale.
Les meir (01.05.2020)
Ole-Peder stakk frå og vann Korona-Konrad.
Konradløpet vart avlyst, men ei gruppe på ni personar og ein hund heldt tradisjonen med 1.mai-løp i hevd.
Les meir (01.05.2020)
Frode Hoprekstad gjer sportsleg stunt 1.mai
1.mai klokka 07.00 går startskotet for eit «stunt» i regi av VIL-medlem Frode Hoprekstad.
Les meir (30.04.2020)
Riksheimdalen: Ivar og Bård i tet
708 turar total hittil i sesongen, vart resultatet då VIL nyleg hadde inspeksjon i Riksheimdalen.
Les meir (30.04.2020)
Jo André Tandstad: Mange-syslar innan idrett
Jo André starta med fotball og Bordtennis. Hasta vidare med friidrett, judo, volleyball, før han slo seg på kondisjonsidrett med sykkel som fyrste grein. Så vart det løp og romaskin. I sistnemnde grein tek han stadig steg mot god nasjonal klasse.
Les meir (29.04.2020)
Bruna trimpost: Mange gjeng mykje!
Og mest av alle går Jan Kåre Oterhals, med tett på 500 turar den dagen inspeksjonen gjesta posten.
Les meir (26.04.2020)

 Arkiv
Kalender
Komande aktivitetar:
Nettsidene er oppdatert og publisert hos Besøk www.pronett.no